Ford Telstar

Ford Telstar

Oorsig
Vervaardiger	Ford Motormaatskappy
Produksie	1983–1999
Montering	Hiroshima, Japan [1] Taiwan (Ford Lio Ho, CKD) [2] Homebush, Australië[1] Nieu-Seeland[1] Pretoria, Suid-Afrika
Bakwerk en onderstel
Klas	Mediumgrootte
Bakstyl	4-deursedan 5-deur luikrug 5-deur stasiewa
Uitleg	Voorenjin, voorwielaangedrewe
Platform	Mazda GC tot GF platform
Spesifikasies
Enjin(s)	1.6 L Mazda F6 I4 2.0 L Mazda FE I4
Ratkas	4/5-gang handrat 3-gang outomaties
Plek in geskiedenis
Voorganger	Ford Cortina Ford Sierra (Suid-Afrika)
Opvolger	Ford Mondeo
Variante	Mazda Capella Mazda Cronos

Die Ford Telstar is 'n motor wat deur die Ford Motormaatskappy in Asië, Australasië en Afrika verkoop is, vergelykbaar in grootte met die Europese Ford Sierra en die Amerikaanse Ford Tempo. Dit is stelselmatig vervang deur die Ford Mondeo.

Soos die kleiner Ford Laser, was die Telstar gebaseer op 'n model wat deur Mazda in Japan bemark is. Dit deel sy platform met die Mazda Capella/626, die verskille was beperk is sekere stilering, enjingroottes en spesifikasievlakke. Die eerste model (ook bekend as die AR) is van stapel gestuur in 1983 as vervanging vir die Ford Cortina. In teenstelling met die Cortina, of sy Sierra opvolger, was die Telstar slegs beskikbaar as 'n sedan of vyfdeurluikrug (bekend as die TX5). Maar sedert 1988 is 'n Telstarweergawe van die 626 stasiewa in Japan en Nieu-Seeland verkoop.

In Taiwan is die Telstar gemonteer deur Ford Lio Ho, die plaaslike Ford gesamentlike onderneming, as 'n linkerhandstuur, en was in produksie in Maleisië tot in die vroeë 2000's. Dit is ook verkoop in Hongkong, Singapoer, Indonesië, Siprus en die Filippyne.

1. ↑ ^{1,0 1,1 1,2} Ford Telstar by autocade.net Besoek op 26 November 2010
2. ↑ "Aanleginligting by media.ford.com". Geargiveer vanaf die oorspronklike op 18 September 2009. Besoek op 16 Mei 2015.